Atra partida perdia de su Casteddu, custa borta batiu a s’urtimu minutu de su Genoa de Ballardini. Is sardus, a pustis airi pigau su primu gol a s’incumentzu de su segundu de tempus cun d’unu corpu de conca de Lapadula, iat paregiau cun d’unu rigori de Barella, chi cun custa at fatu ses gol, ma is genovesus ce dd’ant fata a fairi un’atru gol, comenti eus nau, a su norantesimu cun Medeiros. Imoi sa partida de dominigu chi benit cun su Verona de Pecchia at essi ancora prus importanti de cussu chi giai fut.
S’allenadori de su Casteddu Lopez at chistionau aici: “Beniaus de una partida legia cun su Torinu e teniaus feti tres dîs po istudiai custa partida. Soi cuntentu po comenti eus giogau, eut fatu beni e soi cunvintu ca sighendu aici nos si sarvau chena farta. Tengiu fiducia manna in is piciocus e soi cunvintu chi dominigu a Verona eus a fairi una grandu bella partida”.
Su Casteddu abarrat a bintinoi puntus, cincu in prus de su Crotone chi perou depit ancora giogai custu merì contras de su Torinu de Mazzarri. Po si sarvai tocat ancora a si dda gherrai, pariat cosa fata a pustis sa vitoria de Benevento e invecias in custas duas partidas totu est andau mali meda. A dogna manera Lopez e is giogadoris non depint faddiri sa partida de Verona.
Foto: gazzetta.it
