Ndi torrat cun d’unu puntu su Casteddu de s’Emilia, pusti airi paregiau cun su Sassuolo in Reggio. Sa partida de su Mapei Stadium no at essi de cussas chi s’ant arregodai, difatis is asulusorrubius e nieddusbirdis de Iachini ant cicau de non si strupiai a pari e cussa chi nd’est bessia est una partida trancuilla cun pagas ocasionis po fairi gol.

A innanti de sa partida s’allenadori de su Casteddu Lopeza iat bofiu acrariri nendu ca boliat “una scuadra inchieta e gherradora”, giai si dd’ant gherrada is piciocus chi funt calaus in campu ma non ce dd’ant fata a fairi perunu gol.

Feti duas bortas, in totu sa partida, si funt acostiadas is scuadras de Lopez e de Iachini a su gol: una po parti. Una bella giogada de Politano in su primu tempus est bessia a foras de pagu e unu pallonetu de atesu meda de Barella acumpangiau a foras de Consigli.

Chi is duas scuadras non si funt strupiadas aici non si podit narri po Cigarini, difatis su centrucampista de su Casteddu nc’est bessiu in su primu tempus etotu po unu corpu a su burtzu de su pei.

Sa prossima partidas de is sardus at essi sabudu chi benit a su Bentegodi de Verona contras de su Chievo de Maran, una partida de importu mannu ca is grogusasulus funt tres puntus agoa de su Casteddu e ant a fairi de totu po binciri.

 

Foto Quotidiano.net