Est unu Casteddu chi non morit mai e candu parit ca est morendusì si ndi torrat a pesai. Custu at nau, un’atra borta chi nce ddiat abbisongiu, sa partida de sabudu passau in Ferrara cus sa Spal de Semplici. A suta de dus gol a binti minutus de s’acabu, is piciocus de Maran cun dus gol in tres minutus de Pavoletti e de Ionita ant paregiau una partida chi pariat perdia. Non mollant mai is sardus mancu e custu est unu grandu meritu de s’alleandori nou Rolandu Maran chi at fatu cumprendiri a totu is giogadoris ca is partidas acabant feti candu ddu narat s’arbitru. Imoi su campionau si frimat po duas cidas ca giogat sa Natzionali de s’Italia cun tres giogadoris de su Casteddu puru: a Barella e Cragno s’aciungit Pavoletti chi in custu incumentzu de camionau non at sbagliau nudda! Sa prossima partida contras de su Torinu de Mazzarri, lunis bintises de Sant’Andria, podit essiri una de cussas partidas chi serbint po bolai.

 

 

 

Foto: repubblica.it