Non est ancora serrada sa partida in pissu de sa manovra economica italiana. Su comissariu a is Afaris economicus Pierre Moscovici est feti nendu ca a puniri s’Italia iat essi unu fallimentu de totu s’Europa e ca “depeus cicai cun totu is fortzas nostas una solutzioni cun s’Italia”. Su Guvernu italianu, in s’ora, s’est obertu e sighit a chistionai cun Bruxelles. “Seus torrendu a fairi is contus in pissu de totu, a sa fini at erribai su numereddu” at nau su ministru de is internus Mateu Salvini. “Cussu chi abarrat seguru est ca sa manovra at a bessiri diversa de su Parlamentu de comenti est intrada e ca eus a fairi de totu po non pigai peruna santzioni”, sighit a nai su capu de sa Lega. “Sa partida cun s’Europa non at essi facili po nudda, ddu sciu beni – funt is fueddus de su presidenti de su guvernu Conte – Apu nau a sa comissioni de nos agiudai ma is riformas ddas feus, non torraus a palas”.
Foto: rainews.it
