Bolzano, Trento e Belluno funt is citadis cun sa prus arta calidadi de vida de su 2018. Funt cincuantanoi de is centudegi provincias italianas aunia sa calidadi de vida est bona o, cantu de prus, suficienti e fra custas agataus puru s’Ogliastra e cussa de Terranoa-Tempio. Sa prima est a su corantaseiesimu postu, sa segunda a su cincuantesimu. Scarsa, segundu s’indagu de sa rivista Italia Oggi chi de bintidus annus fait custa graduatoria, s’area de is provincias de Tatari, Aristani e Casteddu e po nudda suficienti cussa de sa provincia noa de su Sud Sardigna.
Funt noi is temas chi serbint po pigai puntus tra custus agataus afaris e trabagliu, ambienti, criminalidadi, tempus liberu, saludi, scolas ect…
Tra is cosas chi non andat po nudda beni in Sardigna ddu est prus de totu is atrus araris e trabagliu, ma giai si scit de sempiri custu. Is citadis sardas in custu tema funt in is urtimas positzionis e massimaenti su Mediu Campidanu. Feti cun s’ambienti nos si sarvaus e benint promovias cincu de is otu provincias cun su Mediu Campidanu a su segundu postu, s’Ogliastra a su cuintu, Aristanis in setima sighia de Nugoro a sa nona, Tatari a se digiaseti e Carbonia-Igresias a se bintidus.
Foto: ilsole24ore.com
