Su capu de sa Lega, Mateu Salvini, at a benni in Sardigna aintru de su cuindigi de Sant’Andria. Ddu at fatu sciri su comissariu de sa Lega po sa Sardigna Eugeniu Zoffili, a s’acabu de s’atobiu, in Casteddu, de is partidus de centrudresta chi si funt bistus po fueddai de is regionalis de su 24 de friargiu. “Salvini benit po ascurtai is sardus e atobiai is politicus amigus”, at nau Zoffili. Comenti si funt giai decidiu at essi sa Lega a scioberai su candidau governadori po sa Sardigna, su nomini chi totus faint est cussu de su senadori e capu de su Partidu Sardu Christian Solinas.

A s’atobiu de eriseru, aprontau de is Fradis d’Italia, ddue funt Zoffili, Solinas, su deputau De Martini e su gadduresu Giagoni po sa Lega; po Fortza Italia invecias ddue fut Cappellacci cun Ivan Piras; po is fradis d’Italia Truzzu e su deputau Sasso Deidda; po s’Udc Oppi e po is Riformadoris Frongia cun Fois.

S’est chistionau de su cussu chi s’at a bolliri fairi in is cinc’annus e de fairi intrai finas Energie per l’Italia, Uds, Fortza Paris e Sardegna 20Venti in sa coalitzioni.

 

 

Foto: youtg.net