Paulu Savona, sardu de Casteddu, iat podiri torrai in su guvernu apustis de binticinc’annus de sa prima borta. Pragit meda a is steddaus e a sa Lega ma non si pidit nai ca pragiat a su presidenti de sa Repubblica Sergiu Mattarella.
S’economista casteddaiu, chi at fatu giai su ministru de s’Industria in su guvernu Ciampi, est su nomini prus caglienti po su ministeru de s’Economia. Po is teorias suas sempiri criticas in is cunfrontis de s’Europa pragit a Luisu Di Maio e a Mateu Salvini, ma po su matessi donat a pensai a Mattarella.
Po imoi s’unica cosa chi podeus nai est ca Savona, chi tenit otantun’annus, pragit meda e fut su primu nomini comenti de presidenti de su Guvernu. Propriu po custu at essi dificili chi Di Maio e Salvini lassint a perdiri totu e issu e totu amitit ca in pissu de su nomini su non s’agatit perunu acordiu.
Foto: liberoquotidiano.it
