Sa Sardigna est a su centru de sa Blue Zone, cussa mistura de zonas, demograficas e geograficas, aunia sa sperantzia de vida est prus arta de totu s’orrestu de su mundu. In s’isula nostra bivint una meca de ominis e feminas chi tentin centu e prus annus, sa sperantzia de vida est de 82,64, pagu-pagu prus bascia de sa media natzionali ca est de 82,75 ma est sa prus arta de totu is regionis a suta de Roma, pustis sa Puglia.
De una cica ndi benit a foras ca in Italia si bivit prus a longu segundu su logu aunia dognunu fait sa vida e a segunda de is studius, tenint una sperantzia de vida prus bascia cussus chi bivint in su Mesudì.
Sa cica dd’at fata s’Osservatoriu natzionali de sa Saludi in is Regionis italianas: su progetu est nasciu in Roma in s’universidadi Cattolica e a si ddu pensai est stetiu su professor Walter Ricciardi.
Firmendunosì is Sardigna custas funt is sperantzias de vida: Casteddu est una de is citadis meglius de s’Italia intrea e sa media est de 83,49, sighit sa provincia becia de Terranoa-Tempiu cun 82,25, a sighiri Aristanis cun 82,65 e po urtima s’Ogliastra cun 81,57.
Foto: Agugliastra.it
