Imoi si podit nai cun seguresa: is eletzionis cumunalis in Sardigna ant essi su degi de làmpadas, comenti in s’orrestu de s’Italia, e s’at a votai de is seti de mengianu finas a is 11 de merì. Sa Giunta regionali, cun sa proposta de s’assessori de is Entis localis Cristianu Erriu, at decidiu aici e parit sa decisioni prus giusta chi si podiat pigai. Funt dus is cumunus, Assemini e Igresias, aunia, chi non si bincit sa prima borta, si depit andai a votai una segunda, at essi su binticuatru de làmpadas etotu.
Funt corantatres is cumunus chi depint cambiai is aministratzionis, in sa citadi metropolitana de Casteddu funt: Assemini, Dèximumannu, Mara. In sa provincia de su Sud Sardigna funt: Forru, Donori, Futei, Frùmini Majori, Gèsturi, Igresias, Ortacesus, Senobrì, Seui, Teulada, Biddaspitziosa. In sa provincia de Aristanis, invecias: Abas, Boroneddu, Crabas, Magumadas, Modolo, Narabuja, Nughetu Santa ‘itoria, Pompu, Arriora, Simaba, Soddìe e Bàini. In sa provincia de Nugoro: Austis, Garteddì, Irgoli, Iersu, Macumere, Meana, Ulìana, Ortueri, Sarule, Sindia. In sa provincia de Tatari: Santu Franciscu di l’Aglientu, Budune, Cherèmule, Tzaramonte, Lu Palau, Putifigari e Sèddini.
Foto: strettoweb.com
