Comenti dogn’annu est partiu de s’orruga S’Alighera in Casteddu su corteu po arregodai su 25 de arbili de su 1945 candu is partigianus e is americanus nc’at bogau is nazistas e is fascistas de s’Italia. Funt sonumancu meda prus de milli cussus chi ant sighiu partigianus ancora in vida chi ant obertu su corteu. S’Anpi, sindigus, consiglieris cumunalis e regionalis, ominis de is partidus, giovunus e familias funt cussus chi ant sighiu su corteu chi est erribau finas a Prassa de su Carmini.
Su corteu s’est frimau sa prima borta in prassa Gramsci po ponni, comenti de sempiri, sa corona de froris in su Parco delle Rimembranze e de segus in prassa Emiliu Lussu po arregodai su politicu de Armungia, chi po essiri contras de su fascismu at pagau cun presoni e cunfinu.
Una borta erribaus in prassa de su Carmini ant chistionau is ominis e is feminas de s’Anpi, is studentis casteddaius e totu est acabau cantendu is cantzonis partigianas.
Foto: Marcella Farci
