De giobia chi benit Raul Castro, su presidenti de Cuba, at a passai sa manu a sa generatzioni noa chi at fairi finiri su tempus de is fradis Castro. Fidel innanti, e Raul a pustis ant tentu su poderi is s’isula de is Caraibi po sessant’annus. Cuba po totu custu tempus ce dd’at fata a poderai in peis su comunismu, finas a pustis chi s’alleau prus mannu, s’Unioni Sovietica, at lassau a perdiri totu. “Eus fatu unu caminu longu, longu, longu e dificili meda poita is figlius nostus, de eriseru e de cras, siant cuntentus”, at nau Raul su mesi passau. Raul est presidenti de su2006, apustis chi Fidel iat lassau.
Oi e cras is prus de seigentus deputaus cubanus ant a votai po su Consigliu de Stadu nou chi in segus ant a fairi su presidenti nou chi at a pigai su postu de Raul Castro.
Po imoi is autoridadis non dd’ant nau craru e tundu ma parit ca cussu chi at essi su presidenti de su benidori siat Miguel Diaz-Canel de cincuantaset’annus. Po sa prima borta de annus e annus su presidenti non s’at a lamai Castro, non at a tenni sa divisa militari e non at essi unu de sa generatzioni storica de su 1959, cussa chi at fatu sa Rivolutzioni.
Foto: thisiscuba.net
