Ocannu puru Porto Cervo e Porto Rotondo funt cussas prus caras po is afitus de is domus in s’istadi. S’andat de seigentus e setigentus eurus po una cida, in su mesi de austu, in-d-una domigedda cun cogina e dus aposentus po cuatr’ominis finas a erribai a milli e centu, sempri po cuatru. Non est mancu su pretziu prus artu in Italia chi pensaus ca in Forte dei Marmi po seti dis de mari una domu costat milli e tregentus in su mesi de orgiolas e cuasi milli e seti in cussu de austu.
Totu custu si podit ligiri in su Corriere della Sera ca at fatu una cica partendu de is datus Nomisma.
Unu pagu prus barata una cida a Palau e Santa Teresa di Gallura po una familia de cuatru personis andat de cincugentu eurus in orgiolas finas a noigentus in austu. Su matessi po Villasimius e is logus de basciu. In Arzachena e La Maddalena is pretzius erribant a cincugentu in su mesi de orgiolas e a setigentu in austu.
Foto: sardegnaturismo.it
