Su prus erricu de totus is parlamentaris sardus est Perdu Pittalis. Custu est cussu chi si ligit castiendu is documentus chi dogna deputau e senadori depit presentai in is uficius de sa Camera e de su Senau. Su senadori nuoresu, chi est abogau de professioni, at godangiau, in su 2017 206 mila eurus.
Sa lei narat ca is parlamentaris depint fairi sciri totu aintru de is primus tres mesis de s’incumentzu de su guvernu nou. Cosa chi, a dogna manera, non totus ant fau. Su binti po centu ancora non at fatu nudda (213 inpissu de 945). In Sardigna est prus bascia sa percentuali, unu dogna otu parlamentaris.
In Montecitorio su prus erricu est duncas Pittalis, po sa prima borta in Roma ma cun esperientzia manna in Consigliu Regionali. Sighint dus parlamentaris chi ddue funt giai in su Guvernu de Renzi: Andria Vallascas, torrau in sa Camera cun is Steddaus e in segus sa deputada de su Partidu Democratigu e sindiga de Sadili Romina Mura.
Foto: castedduonline.it
