Est acabau eriseru su viagiu in Bruxelles de Franciscu Pigliaru. Su presidenti de sa Regioni sarda, apustis airi atobiau su Comissariu de s’Europa po sa saludi e sa seguresa alimentari Vytenis Povilas Andriukaitis po chistionai de peste suina africana, at pigau parti finas a s’atobiu de su Cumitau de is Regionis.
In custu atobiu si chistionaiat massimamenti de una cosa de importu mannu: sa politica apustis su 2020, chistioni meda intendiu de totu is aministratzionis poita at essi de importantzia manna po totu su dinari chi at essi postu in giru in s’Unioni Europea.
“S’idea de Europa – at nau Pigliaru candu est stetiu lamau a fueddai – erriscat de faddiri poita funt fortis is fortzas “populistas”. Custus ndi bolint pesai murus e cicai is solutzionis dognunu po contu sû”. Craru est, finas chi no at fatu nominis, chi Pigliaru at castiau a-i cussu chi est capitendu in Italia e chistionaiat pensendu a sa Lega De Salvini e a su Movimentu Cincu Steddas de Di Maio.
Po cicai de non fairi andai ainnanti custas fortzas sa cosa meglius de fairi iat essi cussa de cicai de imparisai in diferentzias tropu mannas tra erricus e poburus in ttu is Stadus.
Foto: laprovinciadelsulcisiglesiente.com
