“A si dividiri, imoi, tra nosu, serbit feti a fairi unu prageri a s’atra parti politiga. Est ora chi totus ddu cumprendant, depeus torrai a tenni su sensu de comunidadi, fueddai tra nosu e cun sa genti, trabagliai meda po torrai a tenni unidadi: in custu seus aberu addurendu. Custu est, in pagus fueddus, cussu chi apu arrespustu a Arrenatu Soru chi at chistionau de cussu chi at fatu sa Regioni in custus cinc’annus passaus”. Su guvernadori de sa Regioni, Franciscu Pigliau, scioberat Facebbok po arrespundiri a-i cussu chi Soru at nau in Aristanis in s’atobiu de Autodeterminatione.
Si ligit sempiri in sa pagina de Pigliaru: “Iat essi facili arresundiri a is cosas chi nos incurpat Soru cun is proprius fueddus e arregodendudeddi totu is sbaglius chi iat fatu candu fut presidenti de sa Regioni. Ma a fairi sa matessi cosa iat serbiri feti a fairi unu prageri mannu a is atrus partidus e nosu depeus fari a s’imbessi cichendu de fairi torrai pagi e serenidadi”.
Foto: laprovinciadelsulcisiglesiente.com
