“Apu donau dinari a totus”. Custu est cussu chi at nau, in pagus fueddus, a is indagadoris Luca Parnasi s’imprendidori romanu, chi fut finas s’aministradori de s’Euronova, arrespundendu a is preguntas po undigi oras in Rebibbia, in pissu de s’indagu de su stadiu de Roma.
Parnasi, paris a atrus cincu collaboradoris, est acabau in galera cun sa curpa de associatzioni a delincuere.
A is domiciliaris s’agatat Luca Lanzalone, abogau chi est acanta a su sindigu de is Steddaus Virginia Raggi, chi apustis de s’indagu s’est dimitiu de presidenti de su Consigliu de aministratzioni de Acea.
Parnasi iat airi amitiu de airi donau dinai a totus po una surra de cosa chi depiat fairi e po coidai a si pigai is permissus. Dinari chi si podit biri in is contus bancarius chi fueddant craru.
Foto: .lastampa.it
