Ancora non si podit chistionai de epidemia ma candu in tres mesis in otu s’ant pigau sa meningite de tipu B e dus de custus funt mortus unu pagu de timoria c’est in meda genti e is struturas sanitarias puru ant incumentzau a nci pensai. Is urtimus dus eriseru: unu studenti de bint’annus, chi parit chi siat de Pauli, est in s’ispidali de Is Mirrionis in su repartu de is maladias chi picigant; una femina de corant’annus, casteddaia, dd’ant innanti visitada in su matessi ispidali e dapoi mandada inderetura a su Brotzu, a sa sola e non podit biri is atrus malaidus. Su primu de custus urtimus dus est “gravi e non podeus nai nudda de prus – faint sciri de sa Ats-Assl Cagliari – s’at becau una seticemia de meningococco”. Su giovunu paulesu est giai suta cura po sa femina casteddaia, invecias, ancora non si scit beni ca funt aspetendu is arresultaus de is esamis po chistionai. Po imoi si timit chi siat aici finas chi is probabilidadis parint artas medas.
C’at de nai ca in is urtimus annus, in Sardigna, finas a s’annu passau funt feti cincu cussus chi s’iat pigau sa meningite e imoi, in tres mesis, funt otu. Po s’ora est dificili meda a sciri de aunia nd’erribat totu custu chi est sussedendu.
Foto: mammeoggi.it
