Ddu est finas unu pitzaiolu sardu tra is prus bravus de su mundu. Est Orrobertu Meloni chi tenit su locali “da Roberto” in via Legnano in Pirri. Meloni at bintu, difatis, su premiu po sa pitza meglius cun sa palia in su campionau mondiali, fatu po sa bintisetesima borta, de Parma. In custu atobiu italianu numurus mannus de aberu: setigentussetantatres is pitzaiolus, prus de milli is garas tra issus e corantacuatru is Stadus chi ant partecipau.
Su campioni de su mundu de sa pizza de cust’annu est unu venetu: Istevini Miozzo de Cerea in sa provincia de Verona. Miozzo at bintu contras de cuatrugentu atrus pitzaiolus e sa pitza cosa sua fut sa Cortile dei nonni, cun costas, radicchio, picioni, foie gras, sali, maldon vanigliau, agedu balsamicu, parmigianu, butariga de pudda.
Finas sa pitza meglius in sa teglia erribat de su Venetu. A binciri su premiu est Mirko Boniolo de Cavarzese, in pirovincia de Venetzia.
Foto: comarsa.ch
