Torrat a oberri sa statali 195 Sulcitana apustis s’abba de sa cida passada chi iat fatu derrocai sa strada in duas partis tra Casteddu e Cabuderra. S’Anas cun d’unu comunicau dd’at annuntziau: “Is trabaglius, incumentzaus su mengianu de giobia passada, – si ligit – funt acabaus in is tempus chi iaus giai nau”. Is chilometrus 8,900, 9,300 e 10,100 funt cussus aconciaus de is operaius.

Sa Regioni, in s’ora, at incumentzau sa conta de is dannus de is noi cumunus prus mali pigaus chi funt Casteddu, Cabuderra, Assemini, Decimu, Uda, Castiadas, Muravera, Santuidu e Tertenia. Is noi biddas, comenti at nau eriseru s’Assessori po is trabaglius pubricus Edoardo Balzarini, faint parti de sa delibera de sa Regioni po sa calamidadi. Finas su sindigu de Casteddu Massimu Zedda s’est fatu biri in Uda po castiai cun is ogus sus comenti est sa situatzioni.

 

 

Foto: wikipedia.org