Burian bussat finas in Sardigna ma po s’ora non fait a timiri, difatis is stradas funt ancora bonas po totus. Frius meda ma nì pagu, is stradas chi erriscant de prus funt sempiri is solitas: sa Nugoro-Lanusei, sa Nugoro-Terranoa, e sa 131 acanta de Campeda. Sa politzia stradali de Nugoro arrecumandat de caminai abellu e de donai meda croba in is orrogus cun ghiaciu, prus che a totu in sa statali 389 (Nugoro-Lanusei).

Su sindigu de Nugoro po oi at fatu abarrai serradas is scolas aici comenti totu is sindigus de sa Gaddura bascia. Scolas serradas duncas in Nugoro e Terranoa ma finas in is biddas prus acanta de su mari comenti Loiri, Figari e Alzachena. Is sindigus de sa Gallura montana, Tempiu, Aggju, Luras, Caragnani e Bultiggjata, ant serrau is scolas oi e finas eriseru.

S’Anas, cun is machinas suas, e sa provincia e is cumunus spainant sali apetotu po cicai de non fairi ghiaciai is stradas.

 

Foto: youtg.net