Est mortu eriseru Mariu Galbusera, su meri de s’atzienda famada chi faiat pistocus in Cosio Valtellino, in sa provincia de Sondrio. Po prus de sessant’annus fut su meri e s’anima de is pistocus connotus in totue. Nasciu a Morbegno in su 1924 iat airi fatu norantacuatr’annus in làmpadas.

Figliu de unu pasticeri, trabagliat de piciocheddu, paris a su fradi Enea po amanniai cussu chi iat fatu su babu e ce dd’at fata finas a dda fairi diventai un’industria. A pustis su diploma de ragionieri in su 1942 e is studius in economia a sa Bocconi de Milano, Galbusera incumentzat a fairi de totu po s’atividadi familiari. A innanti girat cun d’unu camioncinu ma in su 1950 oberit in Morbegno s’industria chi donaiat trabagliu a prus de otanta operaius.

In su tempus s’atzienda est crescia meda e imoi est cumandada de is figlius e de is nebodis, tenint su binticincu po centu is figlius Pàulu e Larentu e is nebodis Guidu e Nicoletta.

 

 

 

Foto: milano.corriere.it