“Non creu propriu chi una dî eus a biri unu guvernu cun s Lega e is Steddaus paris”. Fueddus de su leghista Orrobertu Maroni in sa trasmissioni “Mezz’ora in più” de eriseru a pusti prangiu in Rai Tre. “Mi iat a parri a torrai a coa cun su tempus, a sa Prima Repubblica, a is guvernus de pagus mesis”, at aciuntu su presidenti beciu de sa Lombardia. Una pariga de oras prus adduru at arrespustu Mateu Salvini, sempiri in sa televisioni, ma custa borta de Brabara D’Urso in Canale 5: “Setziu innoi comenti de premier? Non ci mancat meda, ci seus cuasi”, at nau su capu de sa Lega.
Candu dd’ant pediu comenti si podit fairi un’acordiu cun is Steddaus, Salvini at arrespustu: “de cussu chi eus nau nosu e cussus si podit fairi cun sa lei Fornero chi nosu e-i cussus bolint cambiai, cun s’Europa puru boleus fairi atras cosas, sa scola est un’atra cosa chi boleus cambiai”.
A su matessi tempus “is Steddaus bolint donai dinari a chini abarrat in domu chena trabagliai, deu non soi de acordiu. Chi unu est in dificoltadi ddi possu prestai dinari po agatai trabagliu, ma sinuncas, cussus chi trabagliant eita funt prus tontus de is atrus?
Dd’ant batiu forti is manus candu at anau ca no ndi podit prus de biri is clandestinus in giru chena fairi nudda.
Foto: today.it
