In su mentris chi Salvini chistionaiat cun is giorronalistas strangius, Sirviu Berlusconi narat sa propria: “A s’oberri cun is Steddaus po su Guvernu? Deu apu obertu sa janna po nce ddus bogai”, aici, chena medas girus de fueddus, segat in curtzu su Cavalieri a s’idea de unu acordiu cun is 5 Steddas, intrendu in Montecitoriu po un’atobiu cun is deputaus nous de Fortza Italia. Non feti. Nendu totu s’imbessi de cussu chi iat nau Salvini, su capu de is asulus ponit atras cartas in sa mesa e chistionat de unu guvernu de centrudresta “cun su Partidu democratigu chi at agiudai borta po borta”.
Sighit a chistionai Sirviu: “Cun su Pd non est possibili a fairi totu ca dda pensaus a un’atra manera in medas cosas, ma si podit fueddai dogna borta. Sa Meloni cun Salvini non funt de acordiu ma eus a biri de ddus cunvinciri”.
De s’atobiu de is deputaus de Fortza Italia nd’est bessiu a campu ca ant essi Pàulu Romani cun Arrenatu Brunetta is capustruma chi ant a bessiri de Mattarella po chistionai, e chi feti a pustis s’at a fueddai de is nominis de is Presidentis de Camera e Senau.
Foto: corriere.it
