Su meri de Amazon, Jeff Bezos, est s’omini prus erricu de su mundu e fait irliscinai Bill Gates, su fundadori de Microsoft, a su segundu postu. Aici narat sa rivista Forbes chi de sempiri fait custa classifica. A is palas de Gates agataus Warren Buffet, chi s’ocupat de Borsa e finanzia, sighiu de Bernard Arnault, industriali, chi in sa calssifica de ocannu passau fut su de undigi. Mark Zuckerberg, fundadori e meri de Facebook, est cuintu.
In is primus binti ominis prus erricus de su mundu agataus po sa brima borta dus cinesus: Ma Huateng meri de Tencent, chi est su prus erricu de totu s’Asia e su de digiaseti de su mundu, e Jack Ma.
Su presidenti de is Stadus Unidus Donald Trump calat de su cincugentucorantacuatresimu a su setigentusessantaseiesimu postu e cunfrontas a s’annu passau at eprdiu cuatrugentu milionis de dollarus. Ma giai podit dromiri trancuillu, sa sienda sua est fata de prus de tres miliardus de dollarus. Su primu italianu est Giuanni Ferrero, babbu de sa Nutella, a su trintasetesimu postu cun 23 miliardus.
Foto: forbes.com
