Luisu Di Maio sighit a nai ca su forru de sa Lega est serrau e aspetat, comenti at impromintiu a Mattarella, chi sa cida chi benit sa diretzioni de su Partidu Democratigu nerit sa sua. Ma eita at a fairi chi Mateu Salvini narat de bolli fairi unu governu ponendu a un’ala Sirviu Berlusconi? Calencuna bogi in is palatzus romanus narat ca a pusti de is eletzionis de su Friuli sa Lega ata ponni a una parti s’alliantzia cun Fortza Italia. Duncas Salvini at a lassai Berlusconi innanti de s’atobiu de is democratigus, aunia nemus scumitit un’euru chi Renzi siat de acordi ua s’alleai cun cussus chi finas a s’atra dì funt is nemigus prus mannus. “Si oberit unu caminu nou”, at nau Salvini. Totu custu poita a Salvini parit sempiri prus craru ca Berlusconi non bolit intendiri chistionai de perunu acordiu de su centrudresta cun is Steddaus e fait de totu po cicai de torrai a chistionai cun su Partidu Democratigu.
Sa cida chi benit eus a biri aberu totu is gioghigeddus chi funt fendu totus, s’Italia tenit pressi, e chi custu puru faddidi non at abarrai atru che torrai andai a votai.
Foto: livesicilia.it
