Po sa prima borta is artistas sardus chi faint de s’errisu sa propria arti totus in paris po unu progetu sociali mannu: arregoli dinari po sa ricerca in pissu de sa Sclerosi laterale amiotrofica. Is comicus ant bofiu fairi una scuadra po fairi intrai unu pagu de errisu in is familias chi tenint paricias dificoltadis.
Custu progetu est nasciu de un’idea de Christian Luisi e si lamat “Per chi non lo sla”, titulu donau de su cabaretista Nigola Cancedda chi at scritu finas is fueddus de sa cantzoni cantada de totu is comicus cun is musicas de s’artista piaghesu Soleandro.
In custu progetu ant trabaglaiu comicus sardus connotus in Sardigna e finas is s’orrestu de s’Italia: Pino e gli anticorpi, Marcu Baz Bazzoni, Giuseppu Masia, Benito Urgu, Soleandro, Battor Moritteddos, Nigola Cancedda, Tenorenis, is Amakiaus, Francisu Porcu, Marcu Piccu, Tanieli Contu et Alvin Solinas de su Sotziu “Una canzone per un sorriso”.
