In is prossimas eletzionis po su Parlamentu italianu de su 4 de martzu non ant a mancai cuntierras de importu mannu in is collegius uninominalis.

Matteu Salvini narat ca iat essi andau a batagliai cun Renzi in calechisiat logu ma invecias s’est fuiu de is collegius uninominalis. Su presidenti de su guvernu beciu at a agatai in su collegiu de Firenze po sa Lega Albertu Bagnai e po is cincu bortas steddaus Nigola Cecchi chi erribat de su partidu democraticu etotu.

Su presidenti de su guvernu in carriga Gentiloni est candidau in Roma e si dd’at a giogai cun d’unu atzionista imbrogliau de Banca Etruria po su M5S e cun Ciocchetti de su centrudresta.

Meda interessanti, a parrer nostru, sa sfida de Milanu aunia Tabacci si dda bit cun Laura Boldrini de Liberi e Uguali e cun Cristina Rossello, s’abogau chi sighit Berlusconi in sa chistioni cun sa podidda Veronica Lario.

In Bolzano puru agataus duas feminas chi ant fatu sempiri chistionai de sei: sa Biancofiore e sa Boschi. In Bologna at essi curiosu meda a biri eita ant a fairi is militantis de su Pd: Casini at a curriri cun su centru manca e Vasco Errani, po annus e annus militanti ainnanti in su Pci e pusti in su PD etotu cun Liberi e Uguali.