Est incumentzau su festival de Sanremo e comenti dogn’annu incumentzat cun sa musica, froris po arregodai is feminas bocias de is ominis, bestiris bellus e, finas custa borta, cun calencuna polemica e cosas chi non depiant sucediri. Candu fut chistionendu Fiorello, chi est stetiu sa stedda pius luminosa de su merì, est bessiu un’omini in pissu de su palcu chi boliat fueddai cun d’unu giuigi. Inderetura dd’ant frimau is ominis de sa seguresa.

Claudiu Baglioni, Pierufranciscu Favino e Michelle HunziKer ant acumpangiau su pubricu in-d’unu merì aunia sa musica e s’errisu dda ant fata de meris. A s’acabu de totu c’est finas una calssifica, po s’ora, de sa giuria chi est dividia in tres partis: sa asula (arta), groga (de su centru) e orrubia (bascia)

In sa parti asula ci funt Nina Zilli, Stato Sociale, Noemi, Annalisa, Max Gazzè, Ron, Ermal Meta e Fabritziu Moro.

In sa groga Luca Barbarossa, Mariu Biondi, The Kolors, Elio e le Storie Tese, Giuanni Caccamo, Vanoi-Bungaro-Pacifico.

In sa parti orrubia, invecias, po s’ora ddu e funt Diodato cun Roy Paci, is Decibel, Renzo Rubino, Enzigeddu Avitabile cun Peppe Servillo, Red Canzian, Le Vibrazioni, Roby Facchinetti cun Erricardu Fogli.