A pustis is eletzionis natzionalis imoi ci funt cussas comunalis e finas in Sardigna corantatres biddas funt lamadas a votai sindigus e consiglieris nous. Duas de custas, Assemini e Igrèsias, tenint prus de cunidigimila abitantis e pos custu chi nisciunu de is candidaus pigat prus de su cincuanta po centu sa prima borta s’at andai una segunda po torrai a votai.
In sa noa area metropolitana de Casteddu ant a votai is biddas de Assemini, Dèximumannu e Maracalagonis
In sa provincia noa de su Sud Sardigna is biddas chi in su mesi de maiu ant votai funt custas: Igrèsias, Forru, Donori, Frùmini Majori, Futei, Gesturi, Ortacesus, Senobrì, Seui, Teulada e Biddaspitziosa.
Santu Franciscu di l’Aglientu, Budune, Cheremule, Tzaramonte, Lu Palau, Putifigari e Sèddini in sa provincia de Tatari. In sa provincia de Nugoro, invecias, Austis, Garteddì, Irgoli, Iersu, Macumere, Meana, Ulìana, Ortueri, Sarule e Sindia.
In provincia de Aristanis andat a votai sa genti de Abas, Boroneddu, Crabas, Magumadas, Modolo, Narabuja, Nughetu Santa ‘itoria, Pompu, Arriora, Simaba, Soddie e Bàini.
In cust’urtima provincia agataus is biddas prus piticas de sa Sardigna: Soddie bivia de centucuindigi abitantis, Boroneddu cun centucincuantunu e Modolo cun binti de prus.
Foto: veneziatoday.it
