Un’atra citadi francesa, Strasburgo, sa domu de s’Unioni Europea, pigada de mira de un’omini chi at sparau in mesu de sa genti in is mercatinus de Paschigedda. Tre mortus e dogi ferius, est s’arresultau de custu machiori. Feriu un’italianu puru, unu giorronalista de s’arradiu, est gravi.

A oberri su fogu est stetiu unu giovunu de originis de su nord de s’Africa, connotu giai de sa politzia e chi s’intzerriat Cherif Chekatt. Su piciocu est fuiu e parit chi siat feriu cussu puru, a s’incumentzu si creiat ca si fut serrau in-d-unu palatzu in is orus ma aici non est.

Su sindigu de sa citadi at avertiu a totus de abarrai in domu e, segundu cussu chi s’est scipiu, funt dus cussus de acapiai e non feti Chekatt.

In sa noti passada sa genti chi fut aintru su Parlamentu est stetia fata bessiri e acumpangiada in logus segurus.

 

 

Foto:tgcom24.mediaset.it