Su Movimentu Cincu Steddas at giumpau in Sardigna su coranta po gentu de is votus.
In sa circoscritzioni Centro-Sud po Montecitoriu (Casteddu, Sulcis, Mediu Campidanu e Aristanis), is Steddaus funt su primu partidu cun su 41,67, prus de su dopiu de Fortza Italia chi est a su 14,74 e de su Partidu Democratigu chi est abarrau a su 14,11. Aici candu po imoi ant ligiu is votus de tregentusessantatres setzionis de is noigentusetaunu chi s’agatant in Sardigna. Cuarta est sa Lega cun s’11,73, sighius de is Fradis de s’Italia cun su 4,43. A sighiri Liberus e Ogualis cun su 3,02
A su Centru-Nord (Nugoro, Ogliastra, Tatari e Terranoa) is Steddaus funt a su 42,41 po centu apusti tregentuotantotu setzionis de is otugentusessantaseti. Su Partidu Democratigu est su segundu partidu cun su 18,62, sighit Fortza Italia cun su 15,22, sa Lega a su 9,70. A coa is Fradis de s’Italia cun su 3,79. In custa circoscritzioni su Progettu de AutodetermiNatzione cun 3,33 at giumpau Liberus e Ogualis chi est abarrau a 2,80.
Po su Senau is Cincu Steddas tenint su 41,88 po centu pusti millidugentudogi setzionis de is milliotugentutrintotu. Su Partidu Democratigu est segundu cun su 15,53, Fortza Italia sighit a su 14,09. Cuarta sempiri sa Lega cun su 11,77 indenanti a is Fradis de s’Italia cun su 4,26.
Foto: ostia.romatoday.it
