No ddi bastaiant is scioperus de is ferrovieris de sa Sncf o de is pilotas de sa Air France o is politziotus chi gherraiant cun is no-global in Notre-Dame-des-Lamdes ca imoi finas studentis e professoris funt a morrungius. In custu beranu francesu parit chi siat acabada sa pagi tra is francesus e Emmanuel Macron. Prus de milli professoris e studentis eriseru funt calaus in prassa po nai sa insoru po sa riforma de s’Universidadi e finas po sa politica de s’omini chi bivit in s’Eliseo. Non feti in Parigi ma finas in Montpellier sa genti de sa scola at aboginau ca non andat po nudda beni cussu chi si bolit fairi.

Propriu in Montpellier chi su mesi passau, in sa noti de su 22 de martzu, chi una truma de genti, chi si narat acanta a is partidus de sa destra prus destra, iat cicau de nci bogai is studentis de Litaras chi ocupainat s’aula manna de sa facoltadi de Leis. De tandu, gratzias finas a is scioperus de is ferrovieris chi nd’at fatu scidai unu pagu is cuscentzias de feminas e ominis, funt crescias is Unversidadis aunia si morrungiat e imoi funt giai una bintina.

 

Foto: euronews.com