Gratzias a s’assessorau a s’Industria, sighint is missionis foras de s’Italia de is aziendas sardas in cica de mercaus nous. In custas dis, degi de custas chi trabagliant cun perdas e marmus, funt in Dubai ca ddu est su Middle East Stone, sa fiera prus manna de su Mediu Orienti intregada a s’industria de sa perda naturali, de su marmu e de sa ceramica. Is aziendas sardas, chi benint de Orosei, Buddusò, Arzachena e Tempio, funt erribadas a su Middle East Stone finas gratzias a s’agiudu de s’Ice Agenzia. Totu custu benit a costai centubintimila eurus.
“Sa Sardigna est una de is regionis de s’Italia chi at postu prus dinari in custus urtimus annus po is pianus de internalizatzioni – at nau s’assessori a s’industria Maria Gratzia Piras – Ddu narant is numurus de Ice Agenzia: in su 2017 sa Sardigna benit feti apustis sa Toscana e su Trentinu Alto Adige”.
Foto: beautisky.com
