Han Kwang-Song torrat a su Casteddu apustis airi giogau custu incumentzu de campionau cun su Perugia. S’atacanti coreanu, nasciu in su1998, inserie B at giogau po 16 bortas fendu 7 gol. Pariat cosa fata finas sa compora de Isaac Cofie, ma a s’urtimu momentu est sartau totu poita su Genoa si dd’at bofiu poderai.
Pariat ca depiat partiri finas Diegu Farias ma a sa fini est abarrau in Casteddu cussu puru, ddu boliat s’Atalanta e in is urtimas oras chi Politano si nd’andada a su Napoli su Sassuolo ddu iat airi pediu a Giulini. Pariat cosa fata custa puru ma a sa fini mancada su tempus po fairi is cuntratus.
Un’atra compora est cussa de Caligara de sa juventus. Piciocu giovunu, est nasciu in su 2000, Caligara cust’annu at fatu finas una pariga de minutus in Champions.
Un’atru afairi chi pariat giai fatu est cussu de Niccolò Giannetti, depiat andai in serie B a s’Entella ma est sartau totu custu puru. Su giogadori senesu est de tres annus in Casteddu e po imoi at bestiu sa maglia sarda po 45 bias fendu 10 gol, totus in serie B.
