“Candu Marcu Sau at segnau no apu cumprendiu prus nudda. In cussu tempus fui in campu e giai ddu sciu ca non ddue depia essiri, ma non ce dd’apu fata. Fui tropu cuntentu. Forsis s’arbitru at coidau tropu a ci bogai is giogadoris e a Maran”.

Incumentzat aici Tomaso Giulini in s’arradiu de Radiolina. Su presidenti de su Casteddu, cumbidau de sa redatzioni, at chistionau de cosas medas: de is giogadoris chi podint erribai a-i cussus chi si ndi podint andai, de su stadiu, de sa partida cun sa Roma chi at esi arregodada po tempus meda e de sa partida contras de su Napoli de dominigu chi benit.

“S’intendit in citadi custa partida e boleus fairi biri a is tifosus ca seus prontus, non si bastat a dda paregiai, boleus binciri”, at nau Giulini po sa partida contras is asulus de Ancelotti. “Barella de seguru non si andat a genanrgiu e nos udepeus essiri cuntentes fians a candu abarrat de nosu”, at sighiu su presidenti arrespundendu a is bogis chi iant a bolli su giogadori casteddaiu in partentzia po Londra aunia dd’iat aspetai su Chelsea de Sarri.

 

Foto: wikipedia.org