Po Genova oi est sa dî de s’arregodu de is corantatres mortus de su Ponti Morandi: Est passau, difatis, unu mesi de cussu catodigi de austu candu una parti de su ponti ndi fut orruta. Camion e machinas non iat tentu scampu.
A is undigi e trintases – propriu candu totu est sussediu – sa citadi s’est frimada po unu minutu po pensai a is mortus. In citadi custu mericeddu at erribai finas su presidenti de su Guvernu Conte.
Mattarella, in custa dî de s’arregodu, at scritu una litara a is giorronalis La Stampa e su Secolo XIX chi est de Genova.
“Genova non est innoi aspetendu augurius ma bolit biri cosas beras in is scioberus e in is modu de fair”, at scritu su presidenti de sa Repubblica, “sa citadi at tentu una tragedia chi non si podit acetai e a torrai a ponni is cosas comenti funt est unu doveri morali po torrai a agatai cussa normalidadi chi ci fut innanti de cussa dî nodia”.
Foto: tgcom24
