De imoi non si podit presentai prus nemus po is primarias po fairi su segretariu de su Partidu Democratigu. Ses funt cussus chi ce dd’ant fata a presentai is firmas necessarias: Su guvernadori de su Latzio Nigola Zingaretti, s’urtimu segretariu Mauritziu Martina, su deputau Franciscu Boccia, su presidenti de su sotziu Piazzadem Maria Saladino, Orrobertu Giachetti e su giovunu Dario Corallo.

De cincu de custus giai si sciat, s’urtimu a ce dd’airi fata est Giachetti chi in Facebook at scritu: “Gratzias a totus, in d’una dì totu custu picious e cusats piciocas, Anna Ascani e deu ce deus fata a arregolli prus firmas de cantu podiaus pensai. Imoi parteus”.

De oi una Cumissioni de su partidu at a biri chi balint is firmas arregortas e sa documentatzioni presentada. De su seti a su bintitres de gennargiu is atobius in is circulus po fairi votai is tesseraus e su dus de friargiu is tres prus votaus ant a curriri po is primarias de su tres de martzu chi ant essi obertas a-i cussus puru a costau de su partidu ma chena tessera.

 

Foto: strettoweb.com