Ancora non podeus chistionai e nai ca seus timendu, ma unu pagu giai fait timiri etotu a sciri ca sa Sardigna est sa regioni italiana aunia, in su 2018, est morta prus genti po overdose de droga. Totu custu si scit gratzias a una cica de GeOverdose de sa Sociedadi italiana tossicodipendenze.
De su primu de gennargiu a oi in Italia funt giai corantotu is mortus, prus de unu dogna duas dîs: in parti prus manna funt mascus, corantunu, e s’idadi media est de cuasi trintaset’annus. In conca de custa classifica, naraiaus, ddu est propriu sa Sardigna, paris a su Piemonti, chi perou tenit meda prus genti chi ddue bivit, cun ses mortus. In Sardigna de is ses mortus, cincu furint mascus e una femina, cincu is italianus e unu su strangiu, totus funt mortus in-d’una domu: cuatru furint a solus e dus in cumpangia de atra genti. Tres funt mortus po s’eroina, unu po sa cocaina, unu po airi amesturau cosa de bufai cun sa droga e s’urtimu non si scit beni. Chi torraus a palas de un’annu, a su2017, inSardigna funt degi is mortus.
Foto:lagazzettadelmezzogiorno.it
