“Su numuru de is migrantis erribaus in Italia de su Mediterraneu centrali in gennargiu est bessiu a prus de cuatrumila e otugentus, duas bortas tantis de su mesi prima, candu is atividadis de contrabbandu funt stetias rallentadas de is cravongius a costau de is zonas aunia partint e de su tempus legiu chi fut fendu”.
Ddu narat su su raportu de Frontex, s’agentzia de sa guardia de frontiera e costiera. Segundu cussu chi narat custu raportu, chi ancora non est acabau, su numuru totali, a donnia manera, est su matessi de su gennargiu 2017.
“Is eritreus funt sa truma de migrantis prus numerosa de cussus chi erribant de in cui, sighius poi de is pachistanus e de is tunisinus. In is urtimus mesis Frontex at bidu ca is libicus funt crescendu de numuru”, at nau s’agentzia.
Po su Mediterraneu ocidentali su documentu narat ca su mesi passau sa Spagna at bidu unu numuru prus basciu de su mesi passau aunia aici no nd’iat mai passau. Funt abascendusì cussus chi erribant de s’atra parti, de s’orienti: in gennargiu, su numuru de migranti chena regulas, massimamenti sirianus e irachenus, s’est abasciau de su 43% cunfrontas a su mesi prima.
