Parit ca su Partidu democratigu sardu apat agatu su nomini de su segretariu po pigai su postu de Giusepu Luisu Cucca. Est Emaunueli Canu, cincuant’annus de fairi su 16 de austu, erribat de Carbonia aunia fait su giometra, gaiis in sa passada legisladura fut deputau. Cani fait parti de s’area de is popolaris-riformistas, cussa de Cabras e Fadda.

Custu nomini iat depiri ponni s’acabu a totu is cosas chi si funt naradas candu in s’atobiu de su 26 de maiu passau si fut fatu su nomini de Perdu Morittu, carboniesu cussu puru ca po ponni pagi s’est tirau a palas. Su prossim atobiu, sempiri in sa sala congressi de Losa in Abbasanta, est su 9 de triulas e in cussa data Cani iat depiri essiri su segretariu nou de su partidu. Po comenti funt andendu is cosas po is democratigus non creeus chi si pongiant ancora a certai po su nomini poita imoi est erribada s’ora de si ponni a trabagliai in su seriu ca funt erribendu is Regionalis de friargiu.

 

Foto: /twitter.com/emacani