Pusti is nou de is tribunalis italianus, finas de sa Corti po is diritus de s’omini de Strasburgo erribat un’atru nou posuspendiri sa cundenna po Marcellu Dell’Utri. Po totu custu Dell’Utri abarrat ancora in su Campus medicu aunia est ricoverau de purs de unu mesi, controllau de is guardias.
Su senadori beciu de Fortza Italia, cundennau in su2014 aset’annus de presoni po airi agiudau sa mafia, iat a bolli sa suspensioni de sa cundenna poita est malaidu. Difatis giai de unu pagu de tempus sunfrit a su coru e tenit unu cancru a sa prostata. Giai po duas bortas su tribunali de Roma dd’at nau ca nou poita si fut fuiu in Libano ainnanti de torrai in Italia a si fairi su presoni. Imoi is abogaus de Dell’Utri funt erribaus finas a Strasburgo ma innoi puru non ant cuncediu nudda.
“In s’aposentu aunia est non si podit oberri mancu sa fentana – ant nau is abogaus – e dromit cun d’una lugi sempiri alluta e puntada a faci”. Cussu chi paris a Berlusconi iat fatu nasciri Fortza Italia at a torrai in presoni su 20 de arbili, comenti acabat sa radioterapia po su cancru chi est cichendu de sanai.
Foto: huffingtonpost.it
