Fabiu Aru, su ciclista sardu de Biddexidru, fut a Dubai a biri e castiai is prendas de sa cumpangia aerea Emirates. De in cui at fatu sciri ca in su Giru de s’Italia de su 2018 at a curriri cun sa totu sa scuadra sua. Scuadra chi est noa, de su mesi de Santu Aine su campioni sardu est passau de s’Astana a sa UAE Emirates.
“Apu bofiu pensai meda beni a-i custa cosa de curriri in su Giru, nd’eus chistionau cun totu sa scuadra – at nau Fabiu Aru -. Eus scioberau de bolliri curriri in custu giru, eus cicau de biri is cosas chi ant a podiri andai beni comenti cussas chi ant a podiri andai mali. Soi cuntentu meda de podiri curriri in is stradas de su Giru, po unu ciclista italianu est una cursa chi ddi donat meda. Una cosa in prus est a ddu podiri fairi cun sa mgali de Campioni de s’Italia, at essi unu motivu in prus po onorai sa cursa Orrosa”.
Fabieddu tenit arregodus bellus de sa cursa italiana, est erribau una borta tertzu, in su 2014 e s’annu dopu segundu, cand usu giru dd’at bintu su ciclista spagnolu Contador. In cust’urtima ocascioni iat bestiu, po una dî feti, sa maglia orrosa.
Foto: cicloweb.it
