“Non sciu ancora eita ap’a fairi. Mi pragit meda sa citadi mia ma tengiu finas sa Regioni chi mi pragit meda su matessi”. Aici chistionat Massimu Zedda de su palcu de s’atobiu natzionali de s’Anci, chi est fendusì in Rimini. Brullat su sindigu in pissu de su benidori chena perou fairi sciri cussu chi at a fairi e chi s’at a candidai comenti de governadori po sa presidenza de sa Regioni Sardegna. “Soi meda cumbatiu aintru -parit chi apat nau – ma sa manu de agiudu si depit donai sempiri non feti castiendu is candidaus. Eus a biri, soi prontu a ndi chistionai cun totus. Po Zedda, a dogna manera “sa cosa prus bella chi si possat fairi est cussa de pigai decisionis po sa citadi sua”. Po imoi non si scit comenti ant andai is cosas ma a candidai su sindigu de Casteddu a Guvernadori de sa Sardigna est sa cosas meglius chi podit pensai sa manca sarda, poita, ca giai, sa partida si depit ancora giogai ma su bentu chi nd’erribat de su Continenti non portat bonas novas.

 

 

Foto: qualcosadisinistra.it