Su presidenti de sa Repubblica, Sergiu Mattarella, est erribau in Consigliu Regionali unu cuartu de ora pustis essiri erribau in s’aeroportu de Elmas a is undigi mancu unu cuartu. A dd’aspetai su capu de Stadu, in foras de su palazu de via Roma, chi fut castiau de medas carabineris e politziotus, s’agatanta su presidenti de su Cunsigliu Regionali Giuannifrancu Ganau, su guvernadori Franciscu Pigliaru, su sindigu de Casteddu Massimu Zedda e totus is autoridadis militaris de sa citadi.

Mattarella dd’ant cumbidau po custu mengianu po incumentzai a festai is setant’annus de su Statutu sardu. Feti unu saludu de su Presidenti de sa Repubblica po si poderai in pissu de is partis bistu ca su 4 de martzu s’at a votai e una bona pariga de consiglieris regionalis funt candidaus puru.

Po Mattarella est sa segunda borta chi benit in Sardigna in su giru de pagus mesis, fut su mesi de Santu ‘Aine candu fut benniu po su incumentzu de s’annu accademicu. Tandu iat chistionau puru in s’aula magna de su Retoradu e iat nau prus bortas ca in Italia, e apetotu, c’iat bisongiu de prus cultura.

 

 

Foto: ansa.it