Dugentusbinticincu amelessus in is urtimus set’annus, e su 2018 s’est obertu mali: tres aministratzionis pigadas de mira. Una conca de crabitu cun-d’una cartucia in buca e scritas in si murus po su sindigu de Igresias Emiliu Gariazzo e is matas de ceresia de su sindigu de Osini, Tito Loi, segadas de fundu.

Manna est s’isetu po su ministru de s’Internu Marcu Minniti chi oi erribat in Sardigna. Migrantis e seguresa de is aministradoris ant essi is temas prus caglientis in s’atobiu chi ant a fairi su guvernadori de sa Regioni Franciscu Pigliaru e Minniti oi in Nugoro. Is trabaglius funt giai incumentzadus de is degi de mengianu e addu ant pigau parti finas is assessoris Filipu Spanu, Luisu Arru e Donatella Spano. In custa priam riunioni s’est chistionau de sa situatzioni de is migrantis.

A is undigi Pigliaru e Minniti ant atobiau is piciocus de is scolas Superioris “Ciusa” po chistionai sempiri de is migrantis.

S’atobiu, invecias, po chistionai de seguresa s’at a tenni in is palazus de sa Provincia e ant a chistionai is presidentis de s’Anci e de su Cal, Emilianu Deiana e Andria Soddu, una delegatzioni de 25 sindigus e su presidenti de su consigliu regionali Giuannifrancu Ganau.