Dolori mannu e lambrigas meda po s’interru de Antoni Megalizzi, su giorronalista de s’arradiu bociu in Strasburgo po manu de genti maca. In su Duomo de Trento ddue fut genti in dogna logu, a intru e in foras puru. Froris chi funt erribaus de apetotu, coronas mandadas de parentis, amigus e istitutzionis.

A sa missa, celebrada de su Piscamu Lauro Tosi, at decidiu de ddu essiri finas su Presidenti de sa Repubblica, Sergiu Mattarella. In is bancus de sa cresia ant agatau logu finas su presidenti de su Guvernu Giuseppu Conte e-i cussu de su Parlamentu europeu Antoni Tajani.

“Un’orrogu de celu nd’est calau in sa terra e imoi ddue torrat”, at nau Monsignori, chi at finas chistionau de sa passioni manna de Megalizzi po is idealis europeus. Propriu po cust’urtimus, in paris a sa gana de contai e a s’amori po su giorronalismu, chi iant portau Antoni in sa citadi francesa. “Antoni, at aciuntu monsignori, pensaiat a s’Europa chena cunfinus e non biat peruna alternativa a-i custa”.

 

 

 

Foto: corrieredelveneto.corriere.it