Imoi sa classifica fait a timiri de prus puru, funt feti dus is puntus in prus de su Chievo chi est sa de tres chi iat calai in Serie B chi su campionau fut acabau eriseru.
Dominigu non certu durci cussu de su Casteddu, at buscau cuatru gol de sa Sampdoria de Giampaolo, fendudendi feti unu candu sa partida fut bella che sinnada. Non si scit aberu eita fairi, e dogna partida parit ca bengiat giogada chena coru e chena barra, o forsis funt tropu fortis is giogadoris de is atras scuadras?
De is giogadoris at chistionau feti su capinatu Dessena: “Depeus torrai a partiri e ci depeus creiri totus a nos si sarvai. Soi su primu a nai ca est curpa mia, soi su capitanu e, forsis, apu sbagliau deu a non fairi cumprendiri certas cosas a is cumpangius mius, depeus cambiai poita aici non andat beni po nudda”.
Mancant tres partidas, dificilis po totus e non feti po su Casteddu, giai de dominigu chi benit, cun sa Roma, s’at a biri chi is piciocus de Lopez ant a cicai de cambiai e dde si dda giogai deaveras chena timiri e chena fairi a timiri is tifosus.
Foto: cagliarinews24.com
