Iant nau ca iat certau cun-d’unu chi biviat in s’oru, ca fut finiu aninturu de su mundu de sa droga, ca iat tentu un’incidenti stradali, ca fut unu bugoni.
Funt stetias medas is bogis in pissu de sa morti de Giuliu Regeni, su ricercadori friulanu, sparessiu su binticincu de gennargiu de su 2016 e agatau mortu, cun su corpus sinnau de dogna cosa, noi dîs dopu in sa strda chi portat de Alessandria a su Cairo. Pusti dus annus anccora seus meda atesu de sa beridadi perou podeus nai ca Giuliuu est mortu po is indagus chi fut fendu, materiali po sa tesi de su dotorau chi si fut pighendu in Cambridge, in pissu de is sindaus egitzianus.
Oi, in medas citadis italianas, s’ant a fairi fiacoladas po arregodai Giuliu, ant incumentzai a is 19.41, s’ora giusta de candu est stetiu bistu po s’urtima borta su piciocu italianu. Atobius finas in Sardignain Casteddu e in Tatari. In sa capitali sarda s’atobiu est in orruga Santu Luziferu e in Tatari s’atobiu est in s’universidadi.
