“Creimì, deu non soi ratzista”: funt is fueddus de Donald Trump chi at arrespustu a is preguntas de una pariga de giorronalistas, a su Trupm International Golgf Course in Palm Beach, pustis is fueddus aberu legius chi su presidenti americanu iat umperau po is Stadus de origini de is imigraus.

“Deu cun su ratzismu non c’intru nudda e soi cussu de mandu ratzista de totus”, at aciuntu su numuru unu de Washington, chi, a donnia manera no at negau de airi nau cussus fueddus po “certus Stadus de m….a”, chi at fatu inchietai meda e non pagu is Stadus Africanus. In s’atobiu de sa Florida at chistionau puru de sa Corea de su Nord: “Seus chistionendusì in pissu de cosas importantis, imoi prus che a totu de is Olimpiadis. Medas cosas podint capitai”, at narau esmpiri a is giorronalistas.

Oi incumentzant, propriu, is atobius de is delegatzionis de is duas Coreas po is Olimpiadis de Pyeongchang de su mesi chi benit: ddu ant essi finas cuatru representantis de sa Corea de su Nord.