Imoi est uficiali: in su beranu chi at erribai Ryanair non at oberri in Salighera. Cussu chi si timiat e chi fut in sa buca de totus imoi est sa beridadi.

Sa nova est erribada in Sardigna de Dublino aunia si funt atobiaus is dirigentis de sa cumpagnia cun is urtimus dipendentis chi ancora trabagliaiant in Salighera: trintacincu trabagliadoris chi funt custrintus a lassai sa Sardigna po unu logu chi ancora non scint cali at essi.

De tres annus a-i custa parti, de candu Ryanair in Fertilia est stagionali, in su mesi de Santu Aine si serrat e custa borta, innoi est sa novidadi, chena torrai a oberri in beranu e nemancu in s’istadi. Perunu aparechiu at a “dromiri” prus in Salighera. Non est una bella nova nemancu po totu s’aeroportu, finas chi abarrant is bolus de passagiu e imoi tocat aspetai eita narant sa Sogeaal, chi gestit su traficu, e da sa F2i, chi est s’atzionista prus mannu.

 

 

Foto: repubblica.it